احنا مين..؟!

 
عايز تعرف انا مين ؟... اطلع معايا السلم درجة درجة

انا سوهاجى وانت اسكندرانى والثالث رشيدى والكل مصرى ماشى الكلام.

انا مصرى وانت فلسطينى والثالث جزائرى فيها حاجة دى....

 انا عربى وانت باكستانى والثالث اندونيسى والكل مسلم مش كده...

يعنى دائرة الاسلام هى الاوسع او هى محطة الوصول لحاجة اسمها الهويةاو الانتماء

 ليه؟؟

لان خارج دائرة الاسلام هتلاقى حواديت تانية

واحد بيصلى لصنم والتانى بيسبح بحمد بقرة

والتالت يقولك ربنا تلاتة.

الاصل اختلف والمنابع اتغيرت كدة ولا لآ

عشان كده بنقول ان الاسلام مختلف ...صحيح بيجمع حضارات وثقافات كتيرة لكن جذرها واحد...

مش مهم انى لابس تى شيرت والتانى لابس قفطان والتالت بدله سبور والرابع بدله شعبية

مش مهم يكون رغيف العيش عندنا من القمح وعندهم من الذرة

مش مهم اتكلم عربى والتانى فارسى والتالت انجليزى

المهم نوع العقيدة الموقف من الله ومن الرسول

من وحدانية الله ومن الرسالة الخاتمة

واقسم بالله اننى كلما دخلت على الفضائيات وشوفت اليابانى ملك التكنولوجيا وهو بيتكلم عن الامبراطور المنحدر من سلالة الالهة او الاسيوى الذى يوقد الشموع لتمثال بوذا او الهندى الذى يصلى فى الطريق واقفا اذا مرت بقرة امامه اقول والله اننى كلما رايت ذلك قلت الحمد لله من كل قلبى على نعمة الاسلام وغمرنى الشعور بالفخر على سلامة فكرى الذى يعلنها واضحة

الله واحد احد.

الله منزه عن كل نقص.

الله ليس كمثله شئ.

هى دى حكاية الانتماء وهو ده اصل الهويه...