الف صنف وصنف"
 

كانو زمان بيكتبوا على المحلات التجارية "الف صنف وصنف" عشان يقنعك انه عنده كل حاجة
النهاردة لو كتبوا هيقولوا "مليون صنف وصنف"

ونظرا لانتشار المحلات الصغيرة وتداخل التخصصات... تلاقى المحل شغال فى سلع مكتبية ومدرسية ولعب وحلويات وكريمات وعطور.. الخ ...وكل المحلات تتمنى البضاعة تجلها لحدها بدل الراجل ما يقفل الدكانة وينزل سوق الجملة مرة واتنين فى الاسبوع.

* إيه الممكن تعمله انت بمبلغ صغير؟
* انزل سوق الجملة واعمل جولات استطلاع وشوف انواع السلع الخفيفة .
* اشترى عينات ولو بسعر المستهلك.
* هاتلك شنطة سمسونيت محترمة وافرش على ارضيتها لوح فوم او فل او كوتش طرى
* ثبت العينات على هذه الارضية واكتب تحتها سعر الدستة.
* لف ع المحلات الصغيرة وافتح الشنطة واعرض عيناتك
* سجل المطلوب وانزل اشترى جملة وسلم الطلبية تانى يوم...وطبعا حتعمل لنفسك هامش ربح معقول... ومع الوقت حتعرف مين تاجر الجملة اللى سعره ارخص.
* وخللى التعامل بالأجل "الشكك يعنى" فى اضيق الحدود

اما انواع السلع الخفيفة المطلوبة فخد عندك للصبح
ميداليات – بادجات – ليزر – ادوات حلاقة – نوت – مصاحف جيب – قفل درج – زينة أعياد ميلاد - ... – الخ الخ
"مش بقول مليون صنف وصنف"