السعادة نظارة على عنينا .. لابسينها وبندور عليها .
أو زى خالتى ما قالت : " ابنى على كتفى وادور عليه " .
وخدلك اشارات مرور على طريق السعادة الجميل
اشارات حمرا وخضرا وصفرا .. امشى .. أقف .. أستعد

البند الاول  : شايف لاعب الأكروبات فى سيرك الاثارة بيتنطط براحته ازاى ؟ .. عشان فارد من تحته شبكة أمان .
وأمتن شبكة أمان فى العالم هى " الصلة مع الله " تغمرك بالثقة وانت بتتحرك وتتلقاك فى اللحظة الحرجه لو طبيت
لولاها كنا قلنا جميعا  " بيتك بيتك " زى الكتاكيت من قلق الطيارة والقطر والنار والكهربا والبحر .

البند الثانى : صالح نفسك .. بطل معاها خصام وشعور بذنب وتوبيخ ورا توبيخ .. انت عملت ايه ؟ .. وافرض عملت .. انت ناسى ان التوبه تمسح والاستغفار يشيل
" قال رب انى ظلمت نفسى فاغفر لى فغفر له "

البند الثالث : ابحث عن صفاتك الجميلة وافتخر بيها .. انت بمزاجك أو بالعافيه فيك حاجات حلوة مش فى غيرك .. الصوت .. النظره .. الطول .. الرشاقه .. العطاء .. التسامح .. الفن .. المشاعر .. التفكير .. الدراسه ...........

البند الرابع : متنساش تعمل ليسته بأسماء الناس اللى بتحبهم ويحبوك وخليك معاهم على اتصال على طول .

البند الخامس : اللى مالوش كبير يشتريله كبير  .. كبير عاقل .. ناضج .. مؤمن
.. تسمع منه  وتستشيره قبل ما تقرر وتخش ع التنفيذ .

البند السادس : انت حتبقى قوى لما تعرف نقط ضعفك ، لأنك وقتها " على قد لحافك حتمد رجليك "  وتحجم المشكلة .

البند السابع : تذكر ان الحزن والخسارة والألم 3 معلمين كبار فى حياتك

البند الثامن : وأخطاء الاخرين مدرسة .. خد لك منها شهادة .

البند التاسع : وأوعى تنسى – مهما الدنيا ضلمت – ان اللى قال " ان مع العسر يسرا ان مع العسر يسرا " عمره ما يكذب أبدا .

البند العاشر : والشكوى فى المعقول تنفيس مقبول وتجديد للهمه ، لكن الشكوى
" عرض مستمر " تبديد للطاقة وشوشرة ع الحل .

البند الحادى عشر : وعلى فكرة كلام فى الواقع مش فى الاحلام
 " كن جميلا .. ترى الوجود جميلا ............